Архив за месяц: Январь 2011

7 საათია.ამას მობილურის მაღვიძარა მატყობინებს.მართალია იმდენად ჩუმი და სასიამოვნო მუსიკა მაქვს დაყენებული,რომ ძლივს ისმის,მაგრამ მე ხიშტებივით მერჭობა ყურებში.ტელეფონი იქვე მიდევს ბალიშთან.ვაპაუზებ.ზუსტად ათ წუთში კიდევ დარეკავს და ასე სამჯერ.იქამდე უნდა გამოვფხიზლდე.

ჩვენი ცხოვრება ჩვენივე შეცდომების კრებულია. წლების მატებასთან ერთად მასაც ემატება ნაირ- ნაირი სიახლე და დროთა განმავლობაში ტომეულებად იქცევა.შეიძლება იყოს ორტომეული,ან უფრო მეტიც,ან თუნდაც მრავალტომეული.

ადამიანებს აქვთ საყვარელი რიცხვები. მეც მაქვს-  5 და 5-ზე დაბოლოებულები. განსაკუთრებით: 5,15,25,55,65. აჩემებაა ალბათ, აბა სხვა რა დავარქვა? მაგრამ უცნაური ისაა, რომ თითქმის ყველა არასასურველი მოვლენა ჩემს ცხოვრებაში ან მტკივნეული ამბავი სწორედ ასეთ რიცხვებთანაა დაკავშირებული.

როგორც ყველაფერი,შეხედულება რწმენასა და რელიგიაზეც გაუკუღმართებულია ჩვენთან. საზოგადოების ნაწილი,ამაყი თავისი მორალური იერსახით,თავს სრულიად უსაფუძვლოდ მიიჩნევს დედა ეკლესიის პირმშოდ და ქომაგად.ის კი არა, მესიის მახვილობაზეც კი აქვთ პრეტენზია.